Les mots surlignés font l'objet d'une note
1Monsieur, je ay receu la lettre quil vous a pleu mescripre datée du XII
2daoust par la quelle ay veu que aviés receu la mienne et entendeu
3par icelle de quelle façon me avoit esté rendeu votre pacquet et mesmes
4quil feust tumber entre les meins dung escuyer de cuisine qui le me
5rendict sans avoir peu scavoir qui luy avoit baillé, sinon ung qui ce disoit
6à monsieur de La Garde. Je vous ay faict despuis celle là deus
7despeches de Fonteine Bleau que je estime vous avoir esté rendeues. Le
8peu de seiour que le roy a faict a esté cause que despuis ledict lieu
9ne avés receu des miennes, mais estant arrivé icy à Bleis où je ay trové
10celle-ci si commode à vous scripre, ne ay voulleu faillir vous advertir des
11nouvelles de ceste court où ons attent monsieur ladmiral dans quatre
12ou cinq jours. Messieurs les princes sont en Biar [i.e. Béarn]. Ils ne se trouveront
13poinct ici en ce lieu où ons spère le roy debvoir sesiour de cinq à sis
14semeines et passer son iver à Molins. Il est arrivé ung anbassadeur
15à quelles fins ce quil est veneu. Il ce doibt vuider ici le differant de
17monsieur et madame Du Pont. Monsieur de Meru a esté jusques à
18lestremité mais il ce porte mieux. Je ne veus pas oblier à vous dire quil
19ne ce parle que du mariage de monsieur de Vins avec madamoizelle de
20Sault que trois ou quatre mont asseuré pour aresté. Scay-ie bien que estant
21la reyne et Monsieur à Paris, ils envoiarent querir monsieur de Vauclus,
22auquel ils en parlèrent et despuis à messieurs de Sault quil leur dirent
23nen pouvoir rien respondre sans en avoir adverti leurs parens et amis, quest
24tout ce que vous puis dire ci ce nest pour vous asseurer de lentière devotion
25que je ay à votre service, la quelle desire autant vous faire parestre
26que je desire estre très humblement recommendé à vous bonnes graces,
27priant Dieu
28[v°] monsieur, vous donner en sancté très longue, très contente heureuse vie. De
29Blais, ce V sebtembre 1571.
30Votre très humble très obeissent
31Nepveu à vous fère service
32P de Simiane